Robert Burns - Green Grow the Rashes, O

Twitter: kmacleod

Royalty-Free Music Music FAQ Music Licenses Scoring Services

Graph/Grid Paper Mailing Labels Monthly Calendars Yearly Calendars

Theater Scripts British Authors The Movie Critic Guide to Art

Gallimaufry Name Database Send Email! Donate

Robert Burns
(1759-1796)

Green grow the rashes, O

Green grow the rashes, O;
Green grow the rashes, O;
The sweetest hours that e'er I spend,
Are spent among the lasses, O,
There's nought but care on ev'ry han',
In every hour that passes, O:
What signifies the life o' man,
An' 'twere na for the lasses, O.
The warl'y race may riches chase,
An' riches still may fly them, O;
An' tho' at last they catch them fast,
Their hearts can ne'er enjoy them, O.
But gie me a cannie hour at e'en,
My arms about my dearie, O,
An' warl'y cares an' war'ly men
May a' gae tapsalteerie, O!
For you sae douce, ye sneer at this;
Ye're nought but senseless asses, O;
The wisest man the warl' e'er saw,
He dearly lov'd the lasses, O.
Auld Nature swears, the lovely dears
Her noblest work she classes, O:
Her prentice han' she try'd on man,
An' then she made the lasses, O.